今晚上演女子世青盃兩場4強賽事，先講意大利女足U20對西班牙女足U20。「意女」今屆不斷製造驚喜，包括分組賽首仗爆冷擊敗3屆冠軍美國女足U20，殺入4強亦係佢哋隊史最佳成績，不過今仗遇上奪標熱門之一嘅「女狂牛」，預料行人止步。西班牙女足U20今屆賽事展現超班實力，由分組賽至淘汰賽取得5連勝，攻入19球僅失1球，而且全部半場領先，包括上仗8強對巴西女足U20亦是由頭贏到尾，相信今仗也不例外，捧半場客勝。
（HOY 76周三晚9時直播）文:邪神
哥倫比亞換邊前頂到北韓
另一場，北韓女足U20被捧成今屆女子世青盃頂頭大熱門，比西班牙女足U20更受熱捧，佢哋今屆自開始至今錄得5連勝，包括分組賽3比0大勝今仗對手哥倫比亞女足U20。哥倫比亞今屆一直穩紮穩打，近兩場淘汰賽均小勝對手1比0晉級，今屆5戰4次開半場和，今仗再鬥北韓女足U20雖是下風波，但上半場有能力守和，半場和值博。
（HOY 76周四凌晨零時30分直播）