亞運男足A組最後1輪賽事，東道主日本男亞足對泰國男亞足，兩隊同樣2戰2勝，已經提早取得出線8強席位，預料雙方都會有所留力，避免出現傷兵問題，準備淘汰賽搏殺，兩隊屆時交鋒或會點到即止。參考日本男亞足近7場有5次總入球開3球或以下，寧願博中位數3.5球嘅入球細。
（周三晚6時30分開賽）文:Mic少
「小藍武士」或輪換回氣
日本全隊球員都係21歲或以下，但整體質素佳，配合主場之利，仍然夠殺，繼首戰以2比0擊敗中國香港男亞足之後，上仗更加大炒吉爾吉斯男亞足7比0，可謂攻守兼備。由於日本淨得球多過泰國，今場就算打和，都可以取得小組首名，冇必要搏盡爭勝，甚至可能會輪換陣容，留力踢淘汰賽爭冠軍，隨時令發揮打折扣，估計就算贏波，都係小勝居多。
至於泰國男亞足都係2連勝，但論實力始終同對手有明顯距離，單睇日本主W熱到1.07倍，泰國客W冷到17倍，就知雙方唔屬於同一層次球隊。相信泰國會加強防守，採取穩陣踢法，只要唔輸或者小負，已經有交代，估計會形成攻防戰，入波唔會多。